Þá var síðustu jólagjöfinni pakkað inn ... enda mátti það ekki vera mikið seinna ... mamma og pabbi eru nefnilega að koma í heimsókn og er ætlunin að fá að nota töskupláss hjá þeim á heimleiðinni. Stefnan er síðan á laugardaginn tekin á söngdansleikinn Billy Elliot og útaðborða á Oxo Tower Brasserie ... alltaf sömu flottheitin í menningarborginni Lundúnum. Ingu Huld líst vel á dagskrána og hlakkar til að fara aftur í leikhús ... líklega gerir hún miklar væntingar þar sem að þau tvö stykki sem hún hefur séð hafa bæði verið vægast sagt alveg brilliant - það voru Dýrin í Hálsaskógi og síðan Lion King ...